~अहम् स्रष्टा~
सुल्टा भनेर आयौँ उल्टा दिशा रहेछन्,
आँखा दिवा रहेछन् आँखा निशा रहेछन् ।
भिञ्ची नभेट्नुमा को दोषी थियो विधाता,
धर्तीभरी हजारौँ मोनालिसा रहेछन् ।
लाग्दैथियो तिमी नै रोयौ बिदाइ गर्दा,
छाम्दैछु आज आफ्नै आँखा चिसा रहेछन् ।
कस्ले निधार ठोक्थ्यो अर्कै मुहार देखे,
दोषी हुँदैन दोषी, देख्ने सिसा रहेछन् ।
आशा रहे रहन्छन् के नत्र जिन्दगानी,
जिजीविषा भनेका जिजीविषा रहेछन् ।
नारायणप्रसाद घिमिरे
लामिडाँडा-4 दोलखा
हाल: देवघाट-२ तनहूँ
