~आशांक उपाध्याय~
पुष्पवेली नझुकेको देखियो कि कता कति
रवी पुगे कवि छुटे लेखियो कि कता कति
कर्तव्यपथ भुल्दै जाने संकेतले बताउदैछ
वेद अनि पुराणहरु मेटियो कि कता कति
गीता कुरान बाइबल सत्मार्गका कथा छाडी
शकुनीको पासा शैली भेटियो कि कता कति
रामायणमा पढेको थें विभिषण सत्यपक्षी
मेघदुतको खुंडा आइ रेटियो कि कता कति
धर्ति पनि नशिंदैछ विज्ञानले भन्यो अरे !
धर्मसत्य भाग्न लाग्यो, लखेटियो कि कता कति
– सर्लाही, जनकपुर, नेपाल
(स्रोत : रचनाकारको ब्लगबाट सभार)
