~माेती राम चाैधरी `रत्न´~ 
१.
सुफ्लैना बानी मजा, गरियना सु-ढर्ना हाे ।
मैयाँम नै हाे सजा, यसिन साेच कु-ढर्ना हाे ।
मैयँम ना चोरी लगैठा, ना टे कबु बाेरी भर्ठा,
मैयाँ मोहसे राजा, चामचिम हाेके नु-ढर्ना हाे ।
२.
बाटके जवाफ नै टे, बाेली-चाली कैसिक हुइ ।
मैयँक परिछ्या नै, उ टे खेल्वार जैसिक हुइ ।
मैयाँमे मैयाँ फरठ, कब्बु फेन नै मेवा फहठ हेराे,
जन्जन्टी मैयाँ लग्ना, जिन्गी येसिक-टैसिक हुइ ।
३.
मैयाँ बचैना हार नै हाे, जिट हाे काहु ।
भरल लडिया नघ्ना का, हिट हाे काहु।
बोलब-बटुवाब ना, झग्रा लराइ नै कर्ना,
खुसि सक्कु अन्टे सर्ना, चिट हाे काहु ।
४.
लेउ बचा कर्नु झग्रा कबु नै कर्बु ।
ढनी गरिब सक्कुन, बराबर हेर्बु ।
डुनु जे मिल्के, रचैबी यी सँसार,
नेग्टी डगरीमे, हाठ किहु नै छाेर्बु ।
५.
खुसिसे सुखि जीवन हुइठ, अत्रा टु मन्हाे ।
मैयाँसे मैयाँ मिलठ, अट्रा बाट टु गुन्हाे ।
साँचाे मैयँक बयान, जट्रा कर्लेसे फेन,
बिश्वास-भराेसा कराे,चहाआँखि मुन्हाे ।
– कैलारी गाउँपालिका वार्ड नं.५,
बैजपुर कैलाली
(स्रोत : रचनाकार स्वयंले ‘नयाँ रचना पठाउनुहोस्‘ बाट पठाईएको । )
