~छविलाल खड्का~
परिश्रमीले बाँच्ने दिनको खोजीमा छु
बिचौलिया मास्ने जनको खोजीमा छु ।
चौतर्फी दलालको बिगिबगी भा बेला
यो संजाल च्यात्ने मनको खोजीमा छु ।
रक्षक नै भक्षक भै पालेको अग्राख
चारकोशे उही वनको खोजीमा छु ।
संरक्षणवादी अखडामा धावा बोल्दै
थुपारेको कालो धनको खोजीमा छु ।
राज्य शक्तिको चरम दुर्पयोग रोक्ने
सरकारी नयाँ पनको खोजीमा छु ।
२०७६/०९/२२
छविलाल खड्का
कोहलपुर
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
