गीत : कहाँ मेरो संसार

~नरेश नाति~

कहाँ तिम्रो संसार कहाँ मेरो संसार
जीउने हाम्रो जिन्दगी उस्तै नै कहाँ छ र

तिमी माथि आकाशमा उडी हिड्ने चरी
मेरो जीवन वतासमा पात उडे सरी
तिम्रो जीवन फूलवारीमा फूल फूले सरी
म त सधै वगरमा ढूंगा लडे सरी

तिमी सधै उज्यालोमा खुशी रोज्दै हिड्ने
मेरो जीवन अध्यारोमा बाटो खोज्दैै हिड्ने
तिमी मनको चाहनामा जून रोजी हिड्छौ
म त सधै पीरै पीरमा ब्यथा वोकी हिड्छु

कन्याटार, पाँचथर
हाल : सेरिया, ब्रुनाई