~शून्य प्रकाश~
जिन्दगीमा कही कतै नचुकेको कथा हुँ म ।
मर्न तयार हुन्छु तर नझुकेको कथा हुँ म ।
अरु जस्तै साउनमा भेल बन्न नसके नि
खडेरीमा कैले पनि नसुकेको कथा हुँ म ।
मान्छे नै हुँ देवता झैं पुजिन्छु म कहाँ भने
दुनियाँले मुख्भरी नथुकेको कथा हुँ म ।
धेरै देखें जिन्दगीमा कोखातिर दाँत हुने
तर तिन्का उदेश्यमा नदुखेको कथा हुँ म ।
जिन्दगीमा कही कतै नचुकेको कथा हुँ म ।
मर्न तयार हुन्छु तर नझुकेको कथा हुँ म ।
– शून्य प्रकाश
biskatha@gmail.com
