~भरत खत्री~
म गुलाफको कोपिला हूँ
टिप्ने कोसिस नगर्दा हुन्छ
म गुलाफको फूल हूँ,
च्यात्ने कोसिस नगर्दा हुन्छ
धेरैले सजाय मलाई
पकेटमा, हातमा, गमलामा
अब मेरो पालो हो
म आफै सजिन्छु
जसले मलाई छुनेछ
म त्यसको हात फोरिदिन्छु
जसले मलाई कु-दृष्टि लाउनेछ
उसको आँखा फोरिदिन्छु
म फूल हू मतलब
म नारी हू, म नारी हूँ
मतलब, म सृष्टिकर्ता हूँ
सृष्टिकर्ता हू, मतलब आमा हूँ
आफ्नो सम्मान चाहन्छु
म अरुको सम्मान गर्छु
लेनदेनको लागि हैन
संसार धान्नको लागि
(नारीहरु प्रति समर्पित कविता)
भरत खत्री
गुल्मी धुर्कोट ३ हाडहाडे
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
