~दयामोहन आचार्य~
कोही हात्ती घोडा चढेको छ
कसैको गोडा गलेको छ
सिमामा जङ्गे पिल्लर सरेको छ
कहिले खैजेडी कहिले डम्फू बजेको छ
चौतारी गफले गलेको छ
बुढो बा गामबेसी गरेको छ
एउटै भोटोले जाडोगर्मी टरेको छ
कोही युके अमेरिका चलेको छ
राम्रो हुन अझै क्रिम दलेको छ
कोही आफ्नै बेडमा ढलेको छ
वर्षा लाग्यो खोला बढेको छ
दिन ढल्यो अनि रात परेको छ
कहिले दमौरो कहिले काफल फलेको छ
यो देश यसै चलेको छ
यो देश यसै चलेको छ
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
