~भरत खत्री~
पहिले धेरै दियो खुसि बनायो
पछी सबै लुट्यो दुखी बनायो
समयको खेल हो भन्दै
इतिहासले सदै अन्धो बनायो
पुर्खाहरु लडेकै हुन् देशको निम्ती
हामी लड्यौ आफ्नो निम्ती
युद्ध भूमीमा बीरगति प्राप्त गर्दा
माटो हासेयो, नेपाली आमा हाँसिन
उहिले खुसीले हास्यो देश
अहिले पीडाले रोयो देश
तिमी बस्यौ ढुङ्गो झैँ
नबोली शान्त बस्यौ
बीपीको सरकार ढल्यो
निर्दलीय व्यवस्था लाग्यो
सबै तहसनहस भयो
तिमीले सबै मज्जाले पचायौँ
मदन भण्डारीको हत्या भयो
तिमी कानमा तेल हालेर
दिउसै ओछ्यानमा सुत्यौ
अनि सबै मज्जाले पचायौँ
राजदरबार हत्या काण्ड भयो
देश रोयो दुनियाँ रोयो
तर तिमी पहिले झैँ
सबै मज्जाले पचायौँ
जनान्दोलनमा ऊ मर्यो
फलानो मर्यो ढिसकानो मर्यो
सबै मरे सबै गायब भए
तिमीले फेरी मज्जाले पचायौँ
निर्मलाको बलत्कार भयो
नेपाली चेलिहरुको अशमिता लुटियो
बाहिर हिड्न गार्हो भयो
फेरी तिमीले मज्जाले पचायौँ
देशका सिमा स्तम्भ ढले
कालापानी पराइको भयो
आतंककारीका गतिविधि बढे
फेरी तिमीले मज्जाले पचायौँ
के तिमि पचाउन जन्मिएका हौ
भगवानले तिमीलाई किन रच्नु भएको
तिमीले तिमीलाई कहिले सोध्यौ
अरुलाई मात्र किन सोध्छौँ
तिमीले पहिले बाटो खन
तिम्रो पछी न आउने को हुन्छ
अनि राम्रो कुरा मज्जाले पचाउँ
नराम्रो कुरा वान्ता गर
भरत खत्री
गुल्मी धुर्कोट ३ हाडहाडे
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
