~इलामेली टीकाराम दुलाल~
बन्धनमा परेर हो कि, म त हराउँदैछु
आशाहरू मरेर हो कि, म त हराउदैछु
आफु आफैमा खोज्नु पर्ने भयो अचेल
प्रयत्नहरू नगरेर हो कि, म त हराउँदैछु
पौडिन म जान्दिन सागर किन खोजौँ र !
नयनमा पानी भरेर हो कि, म त हराउँदैछु
कुनै दिन थिए, वाहा वाहामा गुञ्जन्थेँ म
ओझेल छोडि नसरेर हो कि, म त हराउँदैछु
इलामेली टीकाराम दुलाल
२०७६/०४/१७ रोज ६
नक्साल, काठमाण्डौ
(स्रोत : रचनाकार स्वयंले ‘साहित्य सङ्ग्रहालय’को फेस्बुक पेजको मध्यमबाट पठाईएको । )
