~अम्बर गुरुङ~
जसै केश तिमीले फुकायौ
हावा गजबसँग लहरायो
जिन्दगीले हेर मुस्कुरायो
तिमी कौसीमा आई उभियौ
कसैले त्यो झ्याल उघार्यो
जिन्दगीले हेर मुस्कुरायो
कलकल झरनामा तिमी नुहायौ
जस्ताइ पहाड झरीमा नुहायो
घाम ताप्दा कलिलो त्यो दिनमा
जिन्दगी नै तिमीमा सुहायो
तिमी बारीको डिलमा उभियौ
तिम्रो आँचल हावाले उडायो
जिन्दगीले हेर मुस्कुरायो
भर्खर लाएकी चोली र सारी
सबै हेर्छन् तिमीलाई निहारी
एक छिन पर्खन पुछ मुहार
पसिनाले तिमीलाई सुहायो
जसै डोरीमा रुमाल सुकायौ
अधीर भई त्यो फर्फरायो
जिन्दगीले हेर मुस्कुरायो
शब्द \ सङ्गीत \ स्वर : अम्बर गुरुङ
