~शून्य प्रकाश~
दक्षप्रजापतिलाई कैलाश मनपरेन रे !
किन हो खै उसलाई चिसो बतास मनपरेन रे !
मसानमा बस्ने अनि धतुरो,विष,भांग खाने
दिगम्बरको गाँस,बास,कपास मनपरेन रे !
था’छ मेरो रामकहानी सबैसबै था’छ उसलाई
राम चैं मनपर्यो अरे वनबास मनपरेन रे !
सयपत्री ताक्नेलाई पारिजातको के अर्थ र ?
राति फुल्ने फूलको त्यो सुवास मनपरेन रे !
त्यसैले त निशाचर हुँ जून आउँछे राति भेट्न
बिडम्बना ! जूनको यो ‘प्रकाश’ मनपरेन रे !
– शून्य प्रकाश
biskatha@gmail.com
(स्रोत : रचनाकारको फेसबुकबाट सभार)
