~जीवन स्पर्शी~
रातो क्षितिज छुने सपनाहरु
जब मेटिन्छन डस्टरले
पेनका निबहरुले किचिएर
लास बन्छन बाध्यतामा
तिमी सोध्छौ
सपना किन मर्यो ?
आमाको मायाको सागर
जब रित्तिन्छ प्रियसिको चुम्बनले
सम्बन्धहरुको सिक्रीले बाधिएर
हठात झुन्डिन्छन सपनाहरु
तिमी सोध्छौ
सपना किन मर्यो ?
म उपक्रममा छु
ब्युताउन मृत सपनाहरु
फेरि एक पटक रहरहरुले पोतिएर
जिवनको क्यानभासमा
तिमी सोध्छौ
सपना किन मर्यो ?
– जनकपुर
(स्रोत : रचनाकार स्वयंले ‘साहित्य सङ्ग्रहालय’को फेस्बुक पेजको मध्यमबाट पठाईएको । )
