~राजु दुलाल~ 
तिमीसँगै बाँचिदिने जिन्दगीको सार भयो
कसले भन्छ ? पल्लवी यो वसन्तको हार भयो
कमाउन अरू लागे कसले केके साँचे होला
साँच्नु मैले कमाउनु त्यही तिम्रो प्यार भयो
ईश्वरका अघि उभिन कसको कति शक्ति होला
जसले जेजे भने पनि दुई आँखा चार भयो
कसले केके कति जाने समयले बताउला
हँसाउने विश्व तिम्रो मान्छे कलाकार भयो
जीत हो या पराजय निर्धनी नै भएँ म त
कटाउने सत्यतामा माया मझधार भयो।
-दानाबारी-४ इलाम
(स्रोत : साहित्यसरिता डट अर्ग)
