गीत : नजर उघारी हेरिदेऊ

~गोपालप्रसाद रिमाल~

बखत भयो यही हो बेला नजर उघारी हेरिदेऊ
त्यो दिलबाट तमस हटाई उज्यालो हावा फैलाइदेऊ

जो देख्छौ हालत भित्री तहको
तिमीलाई अन्य भनूँ म कसरी?
जो सुन्छौ आवाज भित्री मनको
तिमीलाई वैरी भनूँ म कसरी?

हे देवी दुर्गे, जगत्की आमा, पुकार हाम्रो सुनिदेऊ
हामी नेपाली हाम्रो यो भाव सबमा जगाइदेऊ।

(स्रोत : गोपालप्रसाद रिमालको कवितासङ्ग्रह “आमाको सपना”बाट सभार)