~रबिन शर्मा चापागाईं~
मान्छेलाई भूत भनी ढुङ्गो देउता बनाईन्छ
ढुङ्गो माथि फूल चढाई पापहरु धुवाइन्छ |
भन्दैछु म आज सबै खराबी त्यो मित्रताको
पैले दियो जलाइन्छ पछि आगो लगाईन्छ |
हामीले युद्द जित्यौ भन्दै तक्माहरु भिर्छन् तर
लाखौँ चेली लुटिएको कथाहरु लुकाईन्छ |
जबदेखि सत्तामा नै तानाशाह हाबी हुन्छ
सरकारको बिरुद्दमा कलमहरु चलाइन्छ |
पिपाशु भैं किन बाँच्छौ भनन ए मान्छेहरु
सोच ! म्याद पुगेपछि ‘मृत्यु’ पत्र पठाइन्छ |
जहदा,नवलपरासी
(स्रोत : फित्कौली डट कम)
