~म. बि. बि. शाह~
आकाशका तिर्मिरे तारा म गन्न सक्तिनँ
मनको कुरो मुखमा ल्याई म भन्न सक्दिनँ
साउने झरी ढुङ्गेलो बाटो बिर्सिन सक्दिनँ
बिर्सेर पनि त्यो दिन आज बिर्सिन सक्दिनँ
धाराको कुना निरको भेट म भन्न सक्दिनँ
झरीको पछि लागेको जून बिर्सिन सक्दिनँ
जुनेलो छाया मायालु उनी म भन्न सक्दिनँ
हातमा हात परेको बेला म भन्न सक्दिनँ
शब्द : म. बि. बि. शाह
स्वर : लता मङ्गेश्कर
सङ्गीत : हेमन्त् कुमार
एल्बम : उसैको लागि-२
(स्रोत : गीतकारको गीत/गजल एल्बम “उसैको लागि-२” बाट सभार)
