~म. बि. बि. शाह~
छटपट गरेर नै सधैँ बिती गयो नि रात
छटपट गरेर नै सधैँ…
दिनमा पनि कहाँ म पाउँछु र चैन
तसबीर उनकै सामने आएर दिनरात
छटपट गरेर नै सधैँ….
आई गयो वसन्त; गृष्म, वर्षा पनि
आँशु बनेर नै गयो शरद्को चाँदनी
आँशु बनेर नै गयो….
हेमन्तको बतासमा गयो निराश आश
शिशिरको तरूसरी सारा शरीर छ लाश
छटपट गरेर नै सधैँ….
शब्द : म. बि. बि. शाह
सङ्गीत तथा स्वर : नातिकाजी श्रेष्ठ
एल्बम : उसैको लागि-२
(स्रोत : गीतकारको गीत/गजल एल्बम “उसैको लागि-२” बाट सभार)
