~इश्वर देवकोटा~
घर सम्झी फर्कियो लाहुरे
बिर्सियो की झैँ भाछ यो गाउँले
बजाउ मादलु,
छम छमी नाच्ने हो अब मायालु !!
बन भरि धुपि र सल्ला
लाहुरे आको गर्दिनु लौ हल्ला
बजाउ मादलु,
छम छमी नाच्ने हो अब मायालु !!
आयो तिहार बर्ष दिन घुमेर
लाएँ माला मखमली उनेर
बजाउ मादलु,
छम छमी नाच्ने हो अब मायालु !!
डोरी बाटी फूल उन्दा तोरण
तिहार आयो काम धन्दा छोडन
बजाउ मादलु,
छम छमी नाच्ने हो अब मायालु !!
देउसी गाउदै नाचेर भैलिनी
यस्तो मौका आउदैंन जहिले नि
बजाउ मादलु,
छम छमी नाच्ने हो अब मायालु !!
-2012-10-26
– इश्वर देवकोटा ,
पङ्द्रुङ्-०१, गोर्खा जराङ
(स्रोत : रचनाकारको ब्लगबाट सभार)
