~शान्तिराम ढकाल~
अहिले बिहानको कुरा बेलुका फेर्छौ
बेलुका बोलेको कुरा उठेपछि बिर्सन्छौ
घनिभूत छलफल गर्छौ रोडम्याप खोज्छौ
अग्रगामी छलांग दिनैपिच्छे लाउछौ
सत्ता हो चलाउन सजिलो छैन
सजिलो भयो भने अप्ठेरो बनाउँछौ
नाकाबन्दी, बन्द मन्चन गर्छौ
दिनै पिच्छे ‘अप्रिल फूल’ मनाउछौ
हुनै नसक्ने चट्टान फोर्न हलो जोत्छौ
कित्ताकाट गर्दै विभाजनको ब्याड रोप्छौ
नावो रोपेर अब फल्छ नवीन फल भन्दै
सपनाको मझेरीमा ‘अप्रिल फूल’ मनाउँछौं
हाम्रो बारीमा कहिल्यै नफुलेको अप्रिलफुल
आयात गरेर अभाव कहिल्यै नहोस् भन्दै
दिनै पिच्छे फलाउन दिनै पिच्छे फूलाउन
अप्रिल फुल अप्रिल फस्ट हाम्रै ऑगनमा रोपेका छौं ।
हाम्रो राष्ट्रीय चाड भएको छ
हाम्रो भिजन भएको छ
हाम्रो रोडम्याप हाम्रो छलॉग
शहीद बेचेर बारीभरी
अप्रिलफुल उमारेका छौ
हो, हामी दिनैपिच्छे अप्रिल फूल मनाई रहेछौ !
– शान्तिराम ढकाल, क्यालिफोर्निया ।
