~यादव खरेल~
क्षितिजको अग्लाई नाप्छु भन्थें
कि तिम्रो उचाई पनि छुन सकिन
सपना देख्थेँ ठूला ठूला
तर म केही पनि हुन सकिन
मेरा हातहरू आकासको बिस्तारलाई थाम्न खोज्थे
मेरा सपना जिवनको ढुकढुकी छाम्न खोज्थे
म त देशको शान बन्छु भन्थें
कि तिम्रो मान पनि पाउन सकिन
सपना देख्थेँ ठूला ठूला
तर म केही पनि हुन सकिन
मेरा पाउहरू हिमालका श्रृंखला नाग्न खोज्थे
मेरा पाखुरी अँगालोमा बाधाहरू बाँध्न खोज्थे
म त सबको जित हुन्छु भन्थेँ
कि तिम्रो जित पनि बन्न सकिन
सपना देख्थेँ ठूला ठूला
तर म केही पनि हुन सकिन
शब्द: यादव खरेल
सङ्गीत / स्वर : दिप श्रेष्ठ
