~निर्मला अवस्थी~
सक्दिन म गर्न भनी लुक्नुहुन्न अब नारी
अधिकार लिनलाई चुक्नुहुन्न अब नारी।।
सिर्जनामा रमाउँछौं पौरखमा जुटिरन्छौं
सहयोग माग्दै बाटो ढुक्नुहुन्न अब नारी।।
आधा धर्ती ओगटेका हामी नारी ठूलो बल
उन्नतिको मूल बनौं सुक्नुहुन्न अब नारी।।
विश्व सामु नेपालको शीर उचा राख्नलाई
अघि बढ्नु पर्छ मिली रुक्नुहुन्न अब नारी।।
चुला चौका मात्र पनि हैन हाम्रो कर्म थलो
पुराना कु- संस्कारमा झुक्नुहुन्न अब नारी।।
April 9, 2011
(स्रोत : रचनाकारको ब्लगबाट सभार)
