~कात्यायन~
– “के भएको होला यस्तो !”
– “खै: के भयो र हजुरबुवा ?”
– “चारैतिरबाट यस्तै समाचार पनि आइरहेछन् |”
– “कस्तो समाचार’र हजुरबुवा ?”
– “ईनारहरू खन्दा खै: कस्तो फोहोर मात्र निस्किरहेछन्’रे !.. राता-सेता-हरिया-पहेंला लेदाहरू !”
– “स्वभाविकै हो नि हजुरबुवा |”
– “के भन्छ यो ?”
– “मान्छेहरू र ईनार भनेको एकै हुन्’रे – आमाले भन्नु भएको |”
– “खै: के भन्छ यो ?”
– “मान्छेहरूको मन र पेटहरूमा यस्तै विकार हुन्छ र ईनारकोमा पनि |”
– “अब के गर्ने त बाबु ?”
– “क्लोरिन पाउडर हालेर शुध्द पार्ने |”
– “मान्छेहरू मर्दैनन् र ?”
– “चामल पिन्दा घुन पनि त पिनिन्छन् नि हजुरबुवा ! विकार हटाउँदा परे पर्छन् !”
*** *** ***
२०७३/८/१८
चाबहिल, काठमाडौँ – ७ |
(स्रोत : रचनाकारको फेसबुकबाट सभार)
