~हिरारत्न श्रीषा~
युगौदेखि जोतिएर लुटिएको मान्छे हुँ म
शोषकको जोताईमा चुटिएको मान्छे हुँ म
प्रजातन्त्र, गणतन्त्र यस्तै तन्त्र आएपछि
दयनीय तरिकाले कुटिएको मान्छे हुँ म
जबराको पालादेखि प्रचन्डको शासनसम्म
गरिबीको कराईमा भुटिएको मान्छे हुँ म
मातृभूमि बचाउन सबले मलाई याद गर्छन्
कानुनको अक्षरमा छटिएको मान्छे हुँ म
क–कसलाई दोष लगाउनु पुर्खाको दासतामा
सबैबाट बराबर धुतिएको मान्छे हुँ म
(हाल कुवेत)
(स्रोत : हाँक विक्ली – वर्ष ३०, अंक २१ – April 10, 2013 – २०६९ चैत्र २८ गते, बुधबार)
