~सुवास राई~
केटा :
सुसाउन थाल्यो साउनको मेलम्ची खोला
सुटुक्कै भन्देऊ तिमीले माया कसलाई लाउने होला
केटी :
ढुङ्गामा बसी जलारी दाईले जाल बुन्दै होला
नजिस्काऊ दाजुु ख्याल – ख्यालैमा झेल पर्ला
केटा :
पारी भीर पाखामा गाई बाख्रा चरेको
क्या राम्रो बैनीको कपालमा फूल फूलेको
केटी :
चटनी मिठो सिपाघाटको माछा मीठो मेलम्चीको
राम्रो मान्छे होला भनेको त दाज्यू के इत्रेको ?
केटा :
दुवाचौर डाडामा हावा चल्ने वरपीपल चौतारी
इत्रेको मात्र हैन बनाउछु साँच्चै यतै ससुराली
केटी :
खोलामा पसि जलारी दाई जालै पो हान्यौ कि ?
यौवनको बेला तिमीले मलाई आाखा पो लायौ कि ?
केटा :
मेलम्चीमा भेटेको राती तिम्रो सम्झनाले सतायो बेसरी
मलाई हेरि जान्छौ टाढा तिम्रो माया विसूा कसरी ?
– २०५३
(स्रोत : रचनाकारको ब्लगबाट सभार)
