~गोपीकृष्ण ढुंगाना ‘पथिक’~
मेची अञ्चल झापा जिल्ला गौरादह गाउँमा,
यो मन सधैं पुगुँ भन्छ उडी आफ्नै ठाउँमा ।।
खोलानाला हरियाली बगैंचा र ताल यी,
अंगाल्या’छ प्रकृतिलाई अडिग राख्छौं भाउमा ।।
दुई छाक टार्न गाह्रो थियो आज आÇनै शानमा,
ई–मेल र इन्टरनेटमा विश्व घुम्ने दाउमा ।।
शिखर चुम्न खोज्छ कैल्ये कैल्ये सगरमाथा,
व्यथा सबै लुकार’नि मलम लाउंछौं पाउमा ।।
साहित्यकार, इन्जिनियर, डाटर, शिक्षक, नेता,
जन्माउंछ, हुर्काउंछ, गर्व गर्छौं नाउँमा ।।
मुस्कुराउँछ आगमनमा रुन्छ सम्झी बिछोड,
जब पाउंछ मौलिकता ब्याजमा भन्दा साउँमा ।।
विवेकमा विश्वास राख्छ शुभ–दिनको स्वागत,
स्वर्ग बनाउँ आफ्नै गाउँलाई मिलि सबै गाउँमा ।।
gopiji2065@gmail.com
गौरादह, झापा, मेची अञ्चल
(स्रोत : काव्यकुञ्ज डट कम)
