~निर्मला अवस्थी~
हिजो आज गाउँभरी तिम्रै हल्ला सुन्छु
के भएर त्यस्तो भयौ मन मनै गुन्छु।।
आँखिर गल्ती कस्को थियो भन नढाटी
तिम्लाई संझी म पनि एक्लै बसी रुन्छु।।
दिनभरी काम गर्छु सबै बिर्सिएर
रातभरी सपनीमा तिमीसंगै हुन्छु।।
दुब्लाएका छौ रे तिमी भन्ने कुरा सुन्दा
दु:ख लाग्छ रोएर आँशुले मुख धुन्छु।।
तन टाढा भएपनि मनले मान्दैन
चित्त थाम्न नसकी तिम्रो तस्वीर छुन्छु।।
January 29, 2011
(स्रोत : रचनाकारको ब्लगबाट सभार)
