~सोम खनाल~
यादले प्यारो गाऊंको
जन्मेर हुर्केको ठांऊको
दुख्या’छ छाती चर्केर
आउदैछु चांडै फर्केर ।
कति छ बाच्नु था’छैन
मनमा शान्ति भा’छैन
नजांदै बेला घर्केर
आउदैछु चांडै फर्केर ।
बिउझाउन सिथिल देशलाई
संस्कृती, भाषा, भेषलाई
आसाको पीयूष छर्केर
आउदैछु चांडै फर्केर ।
पराई जस्तो ठानेर
धारीला ब्यंग्य हानेर
नबोलिदेऊ झर्केर
आउदैछु चांडै फर्केर ।
शंकालु आंखा तरेर
नचिने जस्तै गरेर
नहेरिदेऊ कर्केर
आउदैछु चांडै फर्केर ।
भेट हुंदा ठुस्स परेर
नदेखे जस्तो गरेर
नहिडिदेऊ तर्केर
आउदैछु चांडै फर्केर ।
July 8, 2017
(स्रोत : रचनाकारको फेसबुकबाट सभार)
