~इश्वर देवकोटा~
परालले तुनेको चकटी , जान्छौ की त टुसुक्क नबसी
डाँडा पारि बन , खै केले कुँडियो आज तिम्रो मन !!
फूलफुलेछ के होला धयेरी , हिजो आज हिड्छौ नि नहेरी
डाँडा पारि बन , खै केले कुँडियो आज तिम्रो मन !!
काफल गेडी चपाउदै कुटुक्क, कुरा काट्दै कता हो सुटुक्क
डाँडा पारि बन , खै केले कुँडियो आज तिम्रो मन !!
बेशी झर्यो भेडाको बथान , नाता हाम्रो चानचुने नठान
डाँडा पारि बन , खै केले कुँडियो आज तिम्रो मन !!
रातै राम्रो पूर्णे को जुनले , मान्छे राम्रो रुप र गुणले
डाँडा पारि बन , खै केले कुँडियो आज तिम्रो मन !!
-2012-10-26
– इश्वर देवकोटा ,
पङ्द्रुङ्-०१, गोर्खा जराङ
(स्रोत : रचनाकारको ब्लगबाट सभार)
