~कात्यायन~
– उत्तरी-ध्रुवको विशाल हिमसागरको हिम-तटमा अपूर्व खुल्ला बजार खुलेको समाचार आँधीबेरी झैं फैलिरहेको थियो |
– पेन्गूईनहरू जुँगाको ब्यापार गर्दैथिए |
– विभिन्न जातका मकैका जुँगाहरू थिए |
– मूषकहरूदेखि लिएर बानर, स्याल, सिंह आदि जनावरहरू लगाएत जल-थल-गगनका अनेक नश्लका अनेकन जुँगाहरू सजाइएकाथिए |
– बिभिन्न राष्ट्रहरूका वीर-पुरुषहरूकोदेखि विद्वान, ऋषिमूनी, कलाकारहरू आदिका अद्भूत जुँगाहरू पनि प्रदर्शन गरिएकाथिए |
– विश्वभरिका राष्ट्रहरूका यावत प्रतिनिधिहरू आ-आफ्ना परिवेश सुहाउँदो जुँगाहरू छान्न तँछाड-मछाड गरिरहेकाथिए |
– प्रायस: प्रतिनिधिहरूको जुँगाको माग समान थियो | ती जुँगाहरूको मूल्य अक्कासिएर अमूल्य बन्दैथियो |
– अकल्पनीय र अनमोल जुँगाहरू संग्रह गर्दै आ-आफ्ना राष्ट्रहरूको विशेष पुष्प-विमान चढेर सबै प्रतिनिधिहरू फर्किए |
– हाम्रो ध्वजा-वाहक विमान पनि अवतरण गर्यो, र घोषणा भयो,- ‘हामीहरूले पनि सर्व-सहमतिले हामीहरूलाई सुहाउने जुँगाहरू ल्याएकाछौं; आइन्दा जुँगाकोलागि संघर्ष गर्नुपर्नेछैन !’
– चिर-प्रात:कालिन प्रणाम महामहिमहरू ! हजूरहरूले पनि माछा, गोही, गिध्द तथा छेपराहरूका अद्रिष्टार्थ जुँगाहरू बटुल्न सफल हुनुभएकोमा !
चाबहिल, काठमाडौँ – ७ |
(स्रोत : रचनाकारको फेसबुकबाट सभार)
