~अमृत सिङ थिङ~ 
के ल्यायौ र ? दिवस तिमीले, मेरी आमालाई
मिठो भाषणमा भुलाउदै ,फेरि आमालाई
पहाडको कुना कन्दारामा पनि छन् नारीहरु
स्वास्थ र पौष्टिक आहार देउ, हेरी आमालाई
भोक प्यास र पिडामा जिउने हजारौं छन् यहाँ
टन्न खुवाई सुताईदेउ न्यानो बेरी आमालाई
हक र अधिकारको कुरा धेरै सिकायौ दिवस
सीप र कला सिकाउ आउँदा खेरि आमालाई
अज्ञानताको खाडलमा ज्योति चम्काई दिनुछ
शिक्षा र ज्ञान देउ दुई अक्षर केरी आमालाई ।
अमृत सिङ थिङ
हाल : मलेसिया
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
