~शशीकला थापा सुब्बा~
चिसो बिहानीको रवि हौ कि साँझकी हौ शशी .
कि कस्तो नाम दिउ तिमीलाई मेरी प्रियेशी ..
निदाएको पल होसकि बिउझियेको क्षण .
हासिरहन्छौ तिमी मेरो परेलिभित्र बसी ..
आजभोलि मदिराको चाहना हुन्न मलाई .
तिम्रो नाम लिदा मात्र पनि छाउछ बेहोशी ..
यति नजिक आएछौ कहिले थाहै भएन
अचानक धड्कीदियौ यो मुटुभित्र पसी ..
पुरुषको भावनामा सोह्र अक्षर भित्र गजल लेख्ने प्रयास
हाल : लण्डन
(स्रोत : रचनाकारको फेसबुकबाट सभार)
