~पूर्ण बन्धन~
समय बलवान अनि महत्वपूर्ण बन्धन हो साथी ।
जन्म र मृत्यूबीचको भरीपूर्ण बन्धन हो साथी ।।
बुझेर यसको महत्व चल्न सके जमाना झुक्छ,
उसैका लागि मात्रै यो अर्थपूर्ण बन्धन हो साथी ।।
लह-लह फल्दछन् फल भकारी भर्दैको शास्ती,
सोरी नसक्नु खजाना अन्नपूर्ण बन्धन हो साथी ।।
हावाले उडाउँदैन कतै पानीले पो के बगाओस्,
बचत गर्नै न मिल्ने खेदपूर्ण बन्धन हो साथी ।।
नानाथरी बहाना बनाएर टाईमपास गर्दैछु म,
कालखण्डमा पछुताउने सम्पूर्ण बन्धन हो साथी ।।
कोपेनहेगेन, डेनमार्क
