~सोम खनाल~
सब्ले भन्छन् मोटायिछस् बदन् तेरो बढेको छ
जोखी हेर्छु पहिले भन्दा वजन तर घटेको छ
कोहि भन्छन् दुब्लायिछस आँखा भित्र गढेको छ
जोखी हेर्छु पहिले भन्दा वजन तर बढेको छ ।
मोटाउदा चाही घट्दै जाने वजन मेरो अचम्मको
दुब्लाउदा चाही बढ्दै जाने वजन मेरो अचम्मको
बताइ दिये हुन्थ्यो केवल मैले बुझ्ने इसाराले
के ले बढ्छ वजन साथि, बोसोले कि बिचारले ?
जान्ने मन् कस्लाई हुन्न आफ्नू वजन कति होला
घटी बढी भाको छ कि पोहोर साल्कै जति होला
जोखीदिऊ कि भन्छु तर भित्र भित्रै डर लाग्छ
तल माथि रैछ भने मुख बार्न कर लाग्छ ।
तराजुमा आँखा राखी मानिसहरु हिड्छन् अरे
कस्को वजन कति किलो नजोखेरै चिन्छन अरे
बगरको ढुङ्गालाई बोकी दिने कोहि छैन
तौलने मन् छ नी साथि जोखिदिने कोहि छैन ।
ठाउँ कतै पाये देखिन् पोखिनु छ मैले पनि
तरजु नै भेटे देखिन् जोखिनु छ मैले पनि
बरु धेरै पोखियेर मन्को घडा रित्तिन्छ कि ?
हात हातै जोखियेर वजन कतै सिद्धिन्छ कि ?
जे जे होला एकै पल्ट काटा माथि बस्नु पर्ला
मोटो शरीर लुकाउन पटुकीले कस्नु पर्ला
जसो तसो वजन मात्रै बढाउन सकिन्थ्यो की ?
तराजुलाई यसो नैबेध् चढाउन सकिन्थ्यो की ?
December 27, 2010
(स्रोत : रचनाकारको फेसबुकबाट सभार)
