~इन्दिरा थापा~
यदि भावनाभित्र देवता भेटिन्छ भने
सधै मन्दिरमा धाउँछौ किन
खहरेको पानीले तिर्खा मेटिन्छ भने
सधैँ सागरमा जान्छौ किन
दीयोको उज्यालोले अँध्यारो छिचोलिन्छ भने
टुकि बक्तीको साहारा लिन्छौ किन
तिखो वचनले मुटु बिझाउँछ भने
बोलीको प्रतीक्षामा बस्र्छौ किन
चौतारीको छाँयाले शितल हुन्छ भने
हिमालको फेदीमा पुग्छौ किन
यदि यात्रा नै अधुरो हुन्छ भने
झुटो आशा देखाउदै अघि बढ्यो किन ।।
इन्दिरा थापा
फूलासी— १ रामेछाप
(स्रोत : वसन्त-पल्लव साहित्यिक त्रैमासिक,मन्थली-रामेछाप)
