~बिना थिङ तामाङ~
आशक्तीको अन्यर्थ नलाउने हो भने
यतिखेर म
अघोरै आशक्त भएकी छु तिमीसंग
र माग्न मन लागेको छ
तिमीसंग
प्रेमिल चुम्बन
तिमीलाई भेटेर भन्नै नसकेको कुरा छ
कि,
म प्रेमसंगै शंसयमा छु
जब तिमी सामिप्यमा हुन्छौ
अथवा मलाई छुन्छौ
तेजसंग धड्किन थाल्छ हृदय
लाग्छ यसको रफ्तार
अब म आफै पनि भेट्न सक्दिन होला
कम्पन छुट्छ आँखाबाट
डर लाग्छ आफैसंग
कतै नछुटिउँ म तिमीसंग रु
र अलग यात्रामा निस्कनुपर्ला एक्लै
ताम्बाको दर्शन जस्तो भव्य तिम्रो ब्यक्तित्व बोकेर
अचेल गरिरहन्छ जीन्दगीले स्टन्ट
सैलुङको उकाली ओरालीहरुमा
अब यात्रा पक्कै सहज रहला
(स्रोत : इन्द्रेणी अन्लाईन डट कम)
