~इन्दिरा थापा~
नयाँ नेपाल सिंगार्नु छ देशको मुहार फेर्नलाई
सबै जनता हतारमा छन दिगो शान्त्ति हेर्नलाई
राजा होइन देशको शासक जनता आफै हुने भयो
तानाशाही बिगत सम्झी धुरुधुरु रुने भयो
देश हाक्ने लगाम अब हाम्रै हातमा परेको छ
सारथी भइ समरमा जनता अघि सरेको छ
वीरहरुको सपनालाई साकार पर्नु पक्कै पर्छ
लोकतान्त्रिक गणतन्त्रको भित्रै जरो गाड्नु पर्छ
लोकतन्त्रले पुगेन है गणतन्त्र चाहिएको छ
वीरहरु वीरताले हक खोज्न पाइएको छ
हिमाल पहाड तराई सवै एकै हुन सक्नुपर्छ
पहाडलाइ चोट लाग्दा हिमाल रुन सक्नुपर्छ ।।
इन्दिरा थापा
फूलासी— १ रामेछाप
