कविता : भोग्नु पीडा भोगेपछि

~ललिता ‘दोषी’~

भोग्नु पीडा भोगेपछि
तिम्रो मायाको अर्थ के ?
मुटु जल्नु जलेपछि
तिमी फर्कनुको अर्थ के ?

भैगो जाऊ टाढा कतै
आँखाहरूमा नछाऊ
सुकिसकेका परेलीलाई
रुझाउन नआऊ

जोगाउँछु भथेँ तिमीलाई
तिमीले वा‚तै गरिनौ
म लड्दा मरुभूमिमा
पानी बनी झरिनौ

रोप्नु तीर रोपेपछि
मलमको अर्थ के ?
गन्तव्य नै भुलेपछि
बाटाहरूको अर्थ के ?

-बुद्धनगर, काठमाडौँ

(स्रोत : मधुपर्क २०६९ साउन)