गीत : तिमी आउँछौ भन्ने आशै आशमा

~यादव खरेल~

तिमी आउँछ्यौ भन्ने आशै आशमा बाटोभरि आँखा ओछ्याइरहन्छु
तिमी सागर भई जता बगे पनि म किनार भई पछ्याइरहन्छु

तिमीले नदी किनारमा गएर सुन्नू म कल्कलाएको हुन्छु
म तिम्रो मुटुको ढुकढुकीमा सुस्तरी चल्बलाएको हुन्छु

तिमीले गुफाहरुमा बसेर सुन्नू म भुन्भुनाएको हुन्छु
म तिम्रो बोलीको प्रतिध्वनिमा मधुर गुन्गुनाएको हुन्छु

शब्द – यादव खरेल
स्वर – उदित नारायण झा
संगीत –