~कुन्दन काफ्ले~
प्रणली कमसल हुन्न कुनै पनि केही गरी,
अंगको खराबी हो, पीर्छ जसले घरी–घरी,
आँटेरै फाल्नु बेस उखलेर त्यसको जरी,
नत्र लाग्ला क्यान्सर है, रह्यो भने कसैगरी ।
पाँचै औंला एकैनास छैन हातमा तर,
यौटा औंलो भएपनि बाँच्छ जीव बराबर,
मरेर राजा कहिल्यै, मर्दैन राज्य हो घर,
यौटाको विर्ताले सृष्टि थेगिएको कहाँ छ र ∕
संक्रमित भए मुलुक, पलाउँछ है ट्यूमर,
सल्यक्रिया मात्र एउटा, बाटो सहज सदर,
पद्दति र विधीमा हिंड्ने, सज्जनको उँचो शीर,
झुक्तैन प्रतिकूल व्यवस्थाका अघिल्तिर ।
००
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
