~गोविन्द रावत~
तिमी त हौ पानीको मूल, पिउनलाई आउँछु पक्का ।
अधूरो छ फूलको माला , सिउनलाई आउँछु पक्का ।।
आधा जीवन जिईसके आधा बाॅकि नै छ
बाॅकी जीवन तिमी सितै ,जिउनलाई आउँछु पक्का ।।
हेर मनु कति कुरा खोल्न भने बाॅकी नै छ ।
दबिएका मनका वात ,खोल्नलाई आउँछु पक्का ।।
मनका भाव छचल्किई , दिन्छन दुख दिलमा मेरो
खोज्दै तिम्लाई तिम्रो समीप ,बोल्नलाई आउँछु पक्का ।।
मैले आफ्नो ठान्दाठान्दै, तिम्ले पराई ठाने पनि
तिम्रो मेरो प्रेमको गीत, गाउनलाई आउँछु पक्का ।।
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
