~रामचन्द्र कार्की~
उनको मरो भेट पैले भाको जस्तो लाग्छ,
रानी बनमा संगै गीत गाको जस्तो लाग्छ ।
बल्ल मलाई याद आयो सँगै स्कूल पढ्दा
एउटै मिठाइ पालैपालो खाको जस्तो लाग्छ ।
गैरी गाँउकी सानी उनी डाँडा घरे हामी,
गढी माइको मेलाबाट आको जस्तो लाग्छ ।
लामो कपाल राता गाला बारुले ती कम्मर,
घाँस दाउरा गर्दा माया लाको जस्तो लाग्छ ।
November 29, 2011
रामचन्द्र कार्की
आँपपिपल-४ राईगाँउ गोरखा
हाल: रानीपौवा पोखरा-११, कास्की
(स्रोत : रचनाकारको ब्लगबाट सभार)
