~प्रमोद ढुङ्गाना~
तिमी घृणा गर मलाई त्यो त तिम्रो कुरा हो
म गर्छु प्रेम तिमीलाई यो त मेरो कुरा हो
तिमीलाई माया गर्न तिमी मलाई रोक्न सक्दिनौ
कल्पनामा रमाउन तिमी मलाई छेक्न सक्दिनौ
पिएर प्रेम मातमा छु यो त मेरो कुरा हो
तिमी घृणा गर मलाई त्यो त तिम्रो कुरा हो
सपनीमा देख्छु सँधै नदेखिन तिमी सक्दिनौ
आफ्नै मनमा भेट्छु तिमी, नभेटिन तिमी सक्दिनौ
यति भए पुग्छ जिउन यो त मेरो कुरा हो
तिमी घृणा गर मलाई त्यो त तिम्रो कुरा हो ।
शब्द : प्रमोद ढुङ्गाना
संगीत : दिनेश सुब्बा
स्वर : विजय श्रेष्ठ
गीति एल्बम : तिम्रै लागि
रेकर्ड साल : 2065
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
