~शेखर ‘अस्तित्व’~
छ सिङ्गो देशको ऐलान – माघ आठ गते !
आउनै पर्छ संविधान – माघ आठ गते !
निभ्न सक्दैन यो जनभावनाको ज्वाला हो,
हरेक मनको हो अभियान – माघ आठ गते !
मन मनै भन्दैछन् हिमाल, तराई र पहाड़ !
छिट्टै आओस् हे भगवान – माघ आठ गते !
पूर्ण गणतन्त्रको सपना किन अधूरो छ ?
होला सोचेर यो हैरान – माघ आठ गते !
कत्तिका देशभक्त छन् यी ‘छ सय एक’ जना,
हुनेछ सप्पैको पहिचान – माघ आठ गते !
पर्खिंदैछन् रूँदै त्यो स्वर्गमा, शहीदहरू !
आउँछ कि ओंठमा मुस्कान – माघ आठ गते !
बुटवल–६
हाल : मुम्बई,
