गजल : सुन चाहिंदैन

~सुको साइबर~

चोखो माया भए पुग्छ सुन चाहिंदैन
अलिनो नै खान सक्छु नुन चाहिंदैन

तिमी मेरो दिल्मा बस्नु म चैं तिम्रो दिल्मा
दुबै मिली गाउ गीत धुन चाहिंदैन

हाँसो बाडौं आशु बाडौ बाडौं सुख दुःख
पराइको पसिना र खुन चाहिंदैन

सधैंभरि मुसुमुसु मुस्कुराउ तिमी
म कविता लेख्न थाल्छु जून चाहिंदैन

sukocyber@hotmail.com।

– निजगढ (बारा), ७
2007-09-15

(कवि सुको साइबर – सुको अर्थात् सुदिप कोइराला)