गजल : भ्वाइलन बजायो

~राकेश कार्की~

भ्वाइलन बजायो बिरक्त तालमा कसैले
दु:खमा पर्यो की हार्यो माया जालमा कसैले

समुद्रको छेउमा एक्लै के के सोचेर
पर पर बगायो की आँशु छालमा कसैले

लोभ्याएर झुक्याएर नफुस्कने गरेर
बिचरालाई फसायो की चालमा कसैले

पकाएर तुलाएर ख्वाउँला जस्तो गरेर
प्रेमको विष पस्क्योकी थालमा कसैले

चटक्कै बिर्सेर हरे बैरागिने पारेर
छाडीदियो की त्यस्लाई त्यो हालमा कसैले

राकेश कार्की
लस् एन्जेलस्
August 19, 2008