~हुसैन खाँ~
भत्किँदैछन् प्रेमका आलीहरू
खेत खाए खेतका बालीहरू ।
यो जमाना पारि आफ्नो हातमा
मख्ख पार्दैछन् यहाँ झयालीहरू ।
तर्सिएछन् फूल सङ्गै कोपिला
वागलुट्छन् वागकै मालीहरू ।
निष्ठुरीले बिर्सिएछन् चाहना
सुक्न थाले आँठका लालीहरू ।
तिर्सनामा लिप्तछन् पालेसबै
दुःख पाए आज नेपालीहरू ।
बहरे रमल मुसद्दस महजूफ
s।ss s।ss ।ss सूत्रमा आधारित ।
हूसैन खाँ
भरतपुर–४, गणेशमार्ग, नारायणगढ चितवन ।
psp195@yahoo.com
(स्रोत : पल्लव साहित्य प्रतिष्ठान – पल्लव डट कम )
