~रामेश्वर राउत ‘मातृदास’~
जीवन सङ्लो समुद्र यो अजम्बरी फूल
साझा घर धरती आकाश एउटै मानव मूल
अग्लिएर हिमालझैँ मुस्कान चुलीचुली
अन्धकारको बादल च्यात्न हरफल लागौँ खुली
निरीहमै बस्नु कठै घनघोर हो मूल
जीवन सङ्लो समुद्र यो अजम्बरी फूल
साझा घर धरती आकाश….
समुद्रझैँ लहर उठौँ अनन्तलाई छुन
हदयमा बाँसुरीको बजाई मधुर धून
बिहानीको घाम हुन सधैं क्षितिज खूल
जीवन सङ्लो समुद्र यो अजम्बरी फूल
साझा घर धरती आकाश…
– वशिष्ठधाम, निर्झर दिलचेत, सिन्धुबस्ती
