~आनन्द अधिकारी~
ओराली लागेको हरिणको चाल भो
बाँचुन्जेल सम्म पनि मरेको हाल भो
छल गर्यो मायाले
मुहार राम्रो शिरिश जस्तो जुन तारा हार खाको
त्यो जोडी देख्दा सबैले भन्थे ईश्वरको वर पाको
माया त रैछ धारिलो छुरा रेटिनै पर्यो नि
बासै उठाउने कस्तो यो खेल भो
जीवनमा धेरै धेरै , धेरै नै झेल भो
छल गर्यो मायाले
सबै को देख्छु हाँसि र खुसि शिखरको बाटोमा
आफ्नो त बरै भाग्य नै फाट्यो माया कै पाटोमा
दुई चार दिनको त्यो मृग तृष्णा के देख्नु पर्यो नि
झारैमा उनेको माछी झै हाल भो
जिन्दगी देखि अब खुशि नै पार भो
छल गर्यो मायाले
शब्द – आनन्द अधिकारी
स्वर – रामकृष्ण ढकाल
संगीत – न्हू बज्राचार्य
एल्बम – आशा
