~लक्की चाैधरी~
सवनियाँ गदरवा वर्खाबुन्दी बर्सल ।
कजरिया थर्कल बद्री जीउ माेर तर्सल ।।
बर्का पानी बरसल अइसिन जाेर ।
मच्छीमारे गैलीगाेही खवइली झाेर ।।
बद्री हेराे कैयाँकुचिल छामछुम नेङ्ना ।
गाेही गैली हेल्कालेले मारलन्ली टेङ्ना ।।
बुदी गैली टापीलेले मारलन्ली मङ्ग्रा ।
मच्छी खाके बुदुक जुन बथैलिन बङ्ग्रा ।।
हर्दहवा कराइथ टेङ्नार मन ।
ढिलढिल चल्नामन हाेजाइथ घन ।।
वर्षदिन बाँचकलाग दुइपाख खेती ।
जिनमानी कर्रामन लेट्नासम लेटी ।।
(साभार – ‘नेन्धर’ कविता संग्रह – २०७१)
